🌹🌹 ( إن غرتك دنياك ) 🌹🌹
إن غرتك دنياك تبقى شحيحة
والعمر يمضي وانت ساهي والايام
بأعلى البيوت العاليات الفسيحة
وتحسب حساب الفايدة فلوس وارقام
نهج الذي ان شاف غيره يزيحه
ولو لامتك دنياك ما ظن تلتام
يا صاحبي خلا الامور القبيحة
والحقد ما يورث سوى ظلم واجرام
وراعي الفضيحة ما حسبها فضيحة
ولا شافها شي عيب في نهج لحشام
خلا الزعل للمترديه والنطيحة
واللي بصدرك كله هموم واوهام
العاقل يدورله على اللي يريحه
ويريح باله وان بغى نومه ينام
ان خذتها مني عطيتك نصيحة
مخصوص لك يا صاحبي نسل لكرام
نلتام ان شفنا الخواطر جريحة
متباعدة لخوان اعوام واعوام
وللصلح نسعى ان بدت منه ريحه
ولا خير في دنيا بها قطع لرحام
والخاتمه ياشيخ مني نصيحة
احسب حسابك في مدى حساب لايام
🌹🌹🌹
من شعر: هلال بن عبدالله العبري
العراقي في ٢٠١٥/٧/١٤ م
ليست هناك تعليقات:
إرسال تعليق