يا حافظاً لكتاب ربي ومعناه
الشاهد الله ما حفظت القصايد
وسنة نبي الله حديثه ومبداه
وما جا من السيره وخير العوايد
هديه من المعطي الى من ترجاه
وبخير دنيا وآخره عدت عايد
تكريم رب العرش هذا لكم جاه
وتكريمنا يا شيخ لا بد بايد
بس الفخر بأمثالكم عزٍ وجاه
ونلبس بكم م العز عقد وقلايد
للٰه در اللي على النهج رباه
للٰه دره في الرخا والشدايد
ورجالنا تبحث عن الخير وسماه
للخير واهل الخير معنا فرايد
قاموا مشاريعٍ كبيرة مسماه
مصلى لصلاة العيد يالله عايد
وجامع جمعنا للدعاء والمناجاه
يالله عسى ساعيه يلقى السعايد
وسبلة جماعة بالزخارف مغطاه
من فضل اهل الطيب واهل العوايد
وكم سبلةٍ قد انشئت من هل الجاه
من خير اهل الخير يالله زايد
وصرحٍ الى القرآن قد قام مبناه
صرح الحضارة في علا المجد نايد
وفريق الزكاه وبالامانه عرفناه
بجهودهم زادت علينا العوايد
اشهد شهادة ما بغو المدح والجاه
اهل العراقي العز اهل العوايد
حقاً لنا نفخر من الشرق لقصاه
وننشر فخرنا في الصحف والجرايد
طبتم وطابت دارنا بطيب مسعاه
ويالله عسي افراحنا تعود عايد
والخاتمه ندعوك يالله يالله
تجعل مبادئنا خيار العوايد
🌹🌹🌹
من شعر / هلال بن عبدالله العبري
ليست هناك تعليقات:
إرسال تعليق