منبع الجود ( فريق العراقي )
سلامي سلامٍ عد ما دنت رعود
او عد ما هبت بكل صيف نسناس
سلام مني معطر بنسمة النود
للي فعايلهم نعم ترفع الراس
الجود لاهل الجود والكل موجود
ولا قد ضربت اخماس يا شيخ باسداس
بارود في الملعب وفي السلم بارود
والدينمو الجمهور ريموت حساس
واقف معك جمهور تشجيعه رعود
والخير فيكم خير نرفع به الراس
فيك الشهامة والعطا وانت مولود
صناع لعب وفن والبعض حراس
في الود لك ناموس واللعب مفنود
وفي كل دوري مركزك يرفع الراس
لعبك واحساس الفرح مركزٍ عود
احساس لاعب محترف طالب الكاس
دوريك عاد وعدت يا كبير يا عود
وتباشرت كل الخلايق ولجناس
للاه درك يابطلنا يمسعود
بالحرفنه للمجد سويت نبراس
فريق العراقي عود واكبر من العود
الفوز ما مره خذه بشق لنفاس
في محفل التكريم تستاهل وزود
حب وولا والكل ع العين والراس
ليلة فرح ننثر بها زهور وورود
وكلمة غلا ومن داخل الروح احساس
للٰه در اللي رسم للهدف كود
سهم الصدارة ماخذ الدرع والكاس
كل الفرق قبل اللقاء تعد لعدود
وفريق العراقي الفوز ع العين والراس
نمرود في الملعب على كل نمرود
نمرود لي جاب البطولات بقياس
تاريخك السبعين من يوم مولود
الفوز لك مكتوب ما تعرف افلاس
🌷🌷🌷🌷🌷
من شعر هلال العبري ابو شما
ليست هناك تعليقات:
إرسال تعليق